Coleo seguro, Coleo ergonómico

Colo, liberdade e benestar

Coleo seguro, Coleo ergonómico

27/01/2019 Recen nacido 0

Cando falamos de coleo seguro en recén nacid@s, hai algunhas consideracións que temos que ter en conta á hora de elixir un portabebés. A primeira é que non calquera opción que atopemos no mercado será unha boa opción.  Como consumidor@s, temos que saber que non todo o que aparece como «mochila a partir de 3.5 kg» ou «dende o nacemento», é realmente óptimo para esa etapa. Por simplificar moito, a homologación nas mochilas serve para garantir que, se seguimos todas as indicacións do fabricante, a crianza non vai caer do portabebés. Nada máis. O mercado non homologa a ergonomía dos portabebés, así que ás familias que queren portear con seguridade non lles será doado dar co portabebés perfecto para elas. 

Que aspectos hai que ter en conta á hora de escoller unha boa mochila portabebés?

Adaptabilidade. O portabebé debe estar feito de materiais suaves e maleables, que dean bo soporte e repartan ben o peso. Non deben ter partes ríxidas que impidan que se adapten a todo tipo de complexións. Deben poder axustarse sen axuda doutra persoa.

Postura fisiolóxica do bebé. Debe respectar a postura natural d@ bebé. Un bo portabebé será o que permita que @ bebé manteña a súa posición ranita, respectando a curvatura natural da súa espalda (en cifosis total no momento do nacemento e evolucionando ata lordosis lumbar hacia os 12 ou 14 meses)

Evolución do bebé e portabebés axeitados en cada etapa

 

Pelve basculada. A pelve d@ bebé estará basculada cara adiante, co seu periné parcialmente apoiado no coleador. Deste xeito garantimos a correcta posición de espalda en C e pernas en M. As pernas non colgan e os peíños apuntan cara arriba.

Bo axuste. O bebé ten que estar axustado de forma que se me inclino cara adiante non se separe do meu peito. Así terá a tensión que precisa para manterse en posición erguida e quen colea non correrá o risco de perder o equilibrio pola folgura que puidera existir entre o corpo de ambos. Esta tensión é moi importante para garantir que as vías respiratorias permanezan despexadas. Demasiada folgura provocará que a espalda do bebé, que carece dunha musculatura desenvolvida, se redondee en exceso. Nese caso, o seu queixo podería bater no seu peito, provocando obstrución na tráquea e converténdose nun risco para a correcta entrada de aire.

Axuste con fular tecido

 

Altura correcta. No caso de bebés recén nacid@s, será a que sitúe as súas nádegas por riba do embigo de quen portea. Sabemos que a tensión do portabebé é correcta sempre que a súa cabeza quede á altura dun bico. A altura é importante tamén para que a persoa que portea non vexa desprazado o seu centro de gravidade. A medida que o bebé vai medrando, iremos baixando á altura do portabebés.

Bo soporte para a cabeza. A cabeza d@ recén nacid@ quedará suxeita polo portabebés. É habitual que un bebé non deixe que lle cubramos a cabeza ata que queda durmido. É nese momento cando deberemos darlle soporte á cabeza cubríndoa polo menos ata a altura das orellas. A medida que a crianza medra, a altura á que chegará o panel do portabebé (sexa fular ou bandoleira) irá variando: ata a caluga (0-6 meses), ata os ombros (a partir dos 6 meses), a metade de espalda (cando xa é quen de manterse ergid@ por si mesm@ e quere empezar a descubrir o mundo), como asento (para nen@s xa grandes que precisan só un apoio para sentarse)

 

Cando o bebé queda durmido é doado tapar a súa cabeza

 

De cara ao coleador/a. A rexión abdominal d@ bebé debe estar en contacto co corpo de quen portea, nunca o costado ou as costas. Mirar cara ao frente provocará:

  • Incorrecta posición de espalda e cadeira.
  • Colgado do pube, cargando todo o peso sobre os xenitais e a zona lumbar. De aí reciben o nome de «colgonas» co que popularmente se lles coñece.
  • Dificulta a termorregulación d@ bebé.
  • Non hai forma de suxeitar correctamente a cabeza d@ bebé.
  • Provoca unha sobre excitación e sensación de perigo innecesaria.
  • Non reparten o peso de forma axeitada.
  • Ao non levar o peso do bebé ben integrado, aumenta o risco de caídas.

 

 

As marcas que fabrican as coñecidas como mochilas «colgonas» soen ofrecer a posibilidade de colocar ao bebé mirando cara ao porteador. Porén, son portabebés incapaces de dar as crianzas o axuste que realmente necesitan.

Non hai un único «portabebés perfecto». Cada un ten o seu momento, de acordo ás necesidades de quen portea e d@ bebé portead@. A mellor forma de atinar co teu portabebés é achegarte a un lugar onde vos poidan asesorar, onde escoiten como é o voso día a día e poidades probar as mellores opcións para vós e o voso bebé.

E se xa tes un portabebés porque cho regalaron, ou o herdaches, non dubides en achegarte a un centro especializado onde che poidan asesorar sobre como empregalo correctamente

 

 

Deja un comentario

Tu dirección de correo electrónico no será publicada. Los campos obligatorios están marcados con *