porteo galicia

Somos Gaia Ecocrianza

Gaia é tenda de puericultura ecolóxica e espazo de actividades dirixidas a mamás&papás e bebés na etapa 0-5 anos.

Ofrecemos só produtos ecolóxicos, reciclables, biosustentables e/ou biodegradables. Temos os mellores produtos do mercado, coidadosamente seleccionados; todo o que as nais&pais e os bebés precisan ata os tres anos de vida (cueiros, porteo, xoguetes, alimentación, roupa e calzado, cosmética…) Fomentamos unha forma de consumo sostible e responsable e por iso impulsamos un mercado de segunda man dos artigos que mellor coñecemos: cueiros lavables, porteo, libros de crianza e xoguetes de madeira.

Detrás de Gaia estamos Sonia, Miriam e Elena, tres nais que nos xuntamos arredor deste proxecto cooperativo. Cada unha de nós ven de ámbitos distintos (enxeñería informática, dereito e xornalismo) pero temos en común unha cousa: a maternidade cambiou a nosa forma de ver o mundo e de vernos a nós mesmas. Cando decidimos ser nais non podiamos imaxinar ata que punto íamos necesitar estar cxs nosxs fillxs. E estar significa, permanecer xunto a elxs, acompañalxs no seu crecemento. Conciliar, como case sempre, significaba “renunciar a…” e decidimos que ao único que non íamos renunciar era á crianza dxs nosxs fillxs.